Forsvarsmenn fyrirtækisins Nabisco, sem framleiðir Oreo-kexið vinsæla, hafa verið duglegir uppá síðkastið að setja á markað nýjar tegundir af kexinu, svo sem með jarðarberjabragði og gulrótartertubragði.

Nú er hins vegar komið nýtt bragð í verslunarhillur vestan hafs: Oreo-kex sem bragðast eins og súkkulaði- og hnetusmjörsbaka. Er þetta vinsæl bragðtegundablanda og eru matgæðingar í Bandaríkjunum hæstánægðir með þessa viðbót.

Kexið fæst í verslunum Target og kostar pakkinn tæpa þrjá dollara, eða um 360 krónur. Óvíst er hvort kexið komi alla leið til Íslands en það er alltaf hægt að vona.