Þó brauð eigi eftir að eiga góða endurkomu á þessu ári eru margir sem forðast að leggja sér það til munns. Hér er því góð leið til að búa til grillaða samloku án þess að nota hefðbundið brauð.

Grilluð blómkálssamloka

Hráefni:

1 blómkálshaus, skorinn í mjög litla bita, líkt og hrísgrjón
2 egg, þeytt
½ bolli parmesan ostur, rifinn
½ tsk. oreganó
1½ bolli rifinn ostur

Aðferð:

Blandið blómkáli, eggjum, parmesan og oreganó vel saman í skál. Saltið og piprið. Hitið pönnu yfir meðalhita og spreyið hana með bökunarspreyi. Setjið vænan skammt af deiginu á pönnuna. Mótið brauðsneið úr deiginu, en hægt er að steikja tvær sneiðar í einu. Steikið í fimm mínútur og snúið við og steikið í þrjá mínútur til viðbótar. Toppið aðra sneiðina með osti og setjið hina sneiðina ofan á ostinn. Steikið þar til osturinn bráðnar, í um 2 mínútur á hvorri hlið. Berið strax fram.