Liverpool er komið í 16-liða úrslit Meistaradeildarinnar eftir leik gegn Napoli á Anfield í kvöld.

Það var boðið upp á skemmtilegan leik í Liverpool en aðeins eitt mark var skorað og það gerði Mohamed Salah.

Salah skoraði eina mark leiksins fyrir Liverpool í fyrri hálfleik og fer liðið áfram ásamt Paris Saint-Germain sem er í efsta sæti riðilsins. PSG vann Red Star á sama tíma 4-1.

Tottenham tryggði sér einnig farseðilinn í næstu umferð eftir 1-1 jafntefli við Barcelona á Nou Camp.

Ousmane Dembele kom Börsungum yfir snemma leiks en undir lokin jafnaði Lucas Moura metin fyrir gestina.

Það dugar Tottenham eftir jafntefli Inter Milan og PSV Eindhoven. Inter mistókst að leggja þá hollensku af velli á San Siro og lokastaðan þar 1-1.

Atletico Madrid og Club Brugge þá gerðu 1-1 jafntefli og Dortmund vann sannfærandi 2-0 sigur á Monaco.

Barcelona 1-1 Tottenham
1-0 Ousmane Dembele(7′)
1-1 Lucas(85′)

Liverpool 1-0 Napoli
1-0 Mohamed Salah(32′)

Red Star 1-4 PSG
0-1 Edinson Cavani(10′)
0-2 Neymar(40′)
1-2 Marko Gobeljic(56′)
1-3 Marquinhos(74′)
1-4 Kylian Mbappe(92′)

Inter 1-1 PSV
0-1 Hirving Lozano(13′)
1-1 Mauro Icardi(73′)

Monaco 0-2 Dortmund
0-1 Raphael Guerreiro(15′)
0-2 Raphael Guerreiro(88′)

Club Brugge 0-0 Atletico Madrid