Fíknsjúkdómar eru ein alvarlegasta heilbrigðisvá sem samfélagið stendur frammi fyrir. Enginn sjúkdómur leggur jafn margt ungt fólk að velli.
Fimmtudagskvöldið 8. nóvember kl. 20 býður fjöldi vinsælla tónlistarmanna þjóðinni á tónleika í Háskólabíó. Ókeypis er á tónleikana og eru þeir haldnir til að vekja þjóðina til vitundar um að við eigum gott sjúkrahús og öfluga fagmenn á sviði á áfengis- og fíknilækninga en fjárskortur stendur því fyrir þrifum og hægt sé að hjálpa öllum sem þurfa. Það er óviðunandi.
Samhliða tónleikunum sem verður sjónvarpað beint á RÚV þá er einnig hafin undirskriftarsöfnun Ákall.is, þar sem skorað er á stjórnvöld að auka þegar í stað árleg framlög til sjúkrahússins á Vogi um 200 milljónir til að útrýma biðlista eftir áfengis- og vímuefnameðferð, sjá undirskriftarlista akall.is.
Fjöldi fólks úr hópi okkar bestu listamanna koma fram á tónleikunum, þar má nefna: Pál Óskar, Bubba, Viking Heiðar, Ara Eldjárn, Baggalút, Elínu Ey, GDRN, Hjálma, Jóa P og Króla, KK, Myrru Rós, Sísý Ey, Svölu Björgvins og Þorstein Einarsson, Geishu Kartel og Birni.
Listafólkið, tæknifólk og aðrir sem koma að þessu, gefa vinnu sína til að þessi þjóðarvakning geti orðið að veruleika.
Kynnir verður Kári Stefánsson.
Herra Guðni Th. Jóhannesson, forseti Íslands, og eiginkona hans Eliza Reid eru heiðursgestir á tónleikunum.
Þjóðarátak til varnar sjúkrahúsinu Vogi og meðferð áfengis- og fíkniefnasjúklinga á Íslandi, sjá nánar á viðburði á Facebook.
SÁÁ heitir á alla sína velunnara að taka undir með þessu góða fólki – mæta á tónleikana og skrifa undir áskorunina!
600 bíða eftir að leggjast inn á Vog á hverjum tíma. Einungis kostar 200 milljónir á ári að útrýma þessum biðlista. Það er ekki dýrt miðað við hvað er í húfi. Staðreyndin er sú að í dag standa fíknisjúklingum jafnmörg úrræði til boða og árið 1976. Á sama tíma hefur þjóðin vaxið og sterkari og hættulegri vímuefni eru í umferð.
