Ef þú ert ein(n) af þeim sem fær sér miðdegislúr þá er það hið besta mál og bara hollt og gott. ”Maður hleður batteríin. Einbeiting og viðbrögð verða betri. Maður virkar einfaldlega betra og manni líður betur.” Hefur Alt for damerne eftir Børge Sivertsen, hjá norsku lýðheilsustofnuninni en hann rannsakar svefn.

En þetta þýðir þó ekki að maður eigi bara að henda sér út af daglega án nokkurrar umhugsunar því það er ekki gott að fá sér miðdegislúr ef maður á erfitt með svefn á nóttunni. Þá er heldur ekki gott að sofa of lengi. Best er ef lúrinn varir í 15 til 20 mínútur en 5 til 10 mínútur eru betri en ekkert. Ef lúrinn er lengri en 30 mínútur tekur djúpur svefn við og hann stelur frá nætursvefninum.

Það er líka mikilvægt að hugleiða hvenær dags lúrinn er tekinn. 20 mínútna lúr um hádegið er bestur og telur Sivertsen að hann geri svo mikið gagn að hann vill að fólk fái sér slíkan lúr í vinnunni.

Slíkur lúr gefur ekki aðeins heilanum nýja orku heldur getur hann einnig komið í veg fyrir stress.