Manchester United á í miklum vandræðum með að sannfæra David de Gea um að framtíð hans sé á Old Trafford. Telegraph fjallar um málið.

Núverandi samningur De Gea rennur út næsta sumar en félagið getur framlengt samning hans um eitt ár til viðbótar.

Viðræður um nýjan samning hafa siglt í strand en United er farið að óttast að De Gea fari frítt eftir tæp tvö ár.

Ef ekki tekst að semja við De Gea á þessari leiktíð, gæti United selt hann næsta sumar til að missa hann ekki frítt.

De Gea er 28 ára gamall en hann hefur verið besti leikmaður United á síðustu árum. Honum langar nú að fara að keppa um titla og vill sjá United koma sér í þann hóp aftur.

Á meðan það er í óvissu og óvissa er í þjálfaramálum félagsins þá hefur De Gea ekki áhuga á að skrifa undir nýjan samning.

De Gea kom til United árið 2011 þegar Sir Alex Ferguson keypti hann frá Atletico Madrid.