Tónlistarröðin, Jazz í hádeginu, heldur áfram í haust og nú er það Tríó Gunnars Hilmarssonar sem spilar fjöruga Róma-tónlist eftir Django Reinhardt. Tónleikar verða haldnir fimmtudag, föstudag og laugardag í menningarhúsum Borgarbókasafnins.
Borgarbókasafnið | Menningarhús Grófinni
Fimmtudaginn 20. september kl. 12.15-13.00
Borgarbókasafnið | Gerðubergi
Föstudaginn 21. september kl. 12.15-13.00
Borgarbókasafnið | Spönginni
Laugardaginn 22. september kl. 13.15-14.00
Gunnar Hilmarsson Tríó (GHT) spilar swing tónlist með tveimur gítörum og kontrabassa. Innblástur að hljómgrunninnum er fenginn frá Róma-gítarleikaranum Django Reinhardt. Á fyrri hluta 20. aldar lagði Reinhardt grunninn að jazzgítarstíl sem í dag er kenndur við hann og er enn í stöðugri þróun. Hljómsveitin hefur einnig verið að máta nýrri lög við þennan búning og tekist vel til. Í janúar 2018 spilaði GHT á Djangohátíð í Amsterdam í Hörpu þeirra Hollendinga: Bimhuis, við góðar undirtektir.
Hljómsveitina skipa:
Gunnar Hilmarsson á gítar
Jóhann Guðmundsson á gítar
Leifur Gunnarsson á kontrabassa
