Ég er ekkert svakalega hrifin af döðlum en hef alltaf verið hrifin af hugmyndinni af döðlugotti. Ég ákvað því að búa til útgáfu af döðlugotti sem höfðaði betur til nammigrísins í mér.
Innihald:
- 360g Dumle karamellur.
- 130g smjör.
- 200g fylltar lakkrísreimar.
- 100g kornflex.
Aðferð:
- Bræðið karamellurnar og smjör saman í potti.
- Bætið lakkrís og kornflexi saman við og hrærið vel saman.
- Setjið í form, með smjörpappír og geymið í kæli.
- Ég sker gottið svo í bita, set í box og tek úr kæli eftir þörfum.
Færslan er skrifuð af Heiðrúnu Grétu og birtist upphaflega á Mæður.com
