Myndband sem sýnir afar sjaldgæfa sjón, þegar barn kemur í heiminn í sigurkufli, fer nú eins og eldur í sinu um samfélagsmiðla.

Barnið kom í heiminn með aðstoð lækna í keisaraskurði en líkt og sjá má helst belgurinn órofinn þar til það er alveg komið úr kvið móðurinnar. En þá gerir læknirinn gat á belginn svo hann geti lagt barnið á bringu móðurinnar.

Barnið fæddist í september en það voru samtökin Birth Without Fear, sem fékk leyfi frá foreldrum þess að birta hið stórmerkilega augnablik á Facebook síðu sinni.

Skiptir skoðanir eru um líðan barnsins í sigurkuflinum. Á meðan margir segja fæðinguna eitt undrum lífsins þá vilja aðrir meina að barnið sé grátandi inn í belgnum.

Fósturhimnan eða líknarbelgurinn er belgur sem umlykur fóstur ásamt legvatni í móðurkviði. Við fæðingu rofnar belgurinn yfirleitt og kemur út ásamt fylgjunni eftir að barnið er fætt.

[youtube https://www.youtube.com/watch?v=yJL2_72g0Y4&w=640&h=360]

Á Vísindavefnum segir að stundum gerist það þó að barnið er enn í líknarbelgnum þegar það fæðist, ýmist að hluta til eða umlukið honum.

Það að fæðast í sigurkufli hefur löngum verið talið gæfumerki víða um heim. Sumstaðar hefur það einnig verið álitið forboði skyggnigáfu.