Miðjumaðurinn öflugi Joao Moutinho hefur skrifað undir samning við lið Wolves í ensku úrvalsdeildinni.
Þetta staðfesti félagið í dag en Moutinho kemur til félagsins eftir dvöl hjá Monaco í frönsku úrvalsdeildinni.
Moutinho kostar Wolves um fimm milljónir punda og er níundi Portúgalinn sem semur við liðið.
Stjóri Wolves er hinn portúgalski Nuno Espirito Santo og hefur hann fengið ófáa landa sína til félagsins.
Moutinho er portúgalskur landsliðsmaður en hann á að baki 113 landsleiki.
