Vegfarandi þuklaði á og kyssti fréttakonu í beinni útsendingu frá heimsmeistaramótinu í knattspyrnu karla sem fer nú fram í Rússlandi.
Julieth Gonzalez Theran, sem kemur frá Kólumbíu og starfar fyrir þýsku fréttastofuna Deutsche Welle, var í beinni útsendingu frá Saransk í síðustu viku, þegar maðurinn kom upp að henni, greip í brjóstið á henni og kyssti hana.
Theran lét eins og ekkert hafði í skorist og kláraði fréttina.
Hún setti síðan myndskeiðið á Instagram og skrifaði: „Við eigum þetta ekki skilið. Við erum jafningjar. Ég deili ánægjunni af fótbolta, en við verðum að skilja mörkin á milli gleði og áreitni.“
Fylgjendur hennar á Instagram tóku undir með henni:
„Svona á ekki að gerast“ Þú ert gáfuð, falleg og frábær kona,“ segir einn fylgjandi Theran. Annar sagði: „Þú stóðst þið eins og hetja en þessi maður er fyrsta flokks fáviti.“
Myndbandið má sjá hér að neðan:
