Bakvörðurinn Joao Cancelo ætlar að ganga í raðir Juventus samkvæmt mörgum fjölmiðlum erlendis.
Cancelo er á förum frá Valencia á Spáni þar sem hann hefur vakið mikla athygli fyrir sína frammistöðu.
Þessi 24 ára gamli leikmaður var lánaður til Inter Milan á síðustu leiktíð og þótti standa sig vel.
Nýliðar Wolves hafa ítrekað reynt að fá Cancelo í sumar og var greint frá því að liðið væri nálægt því að tryggja sér hans þjónustu.
Wolves hefur hins vegar ekki náð samkomulagi við Valencia né leikmanninn sem er að öllum líkindum á leið til Juventus.
