Ég hef ekki tölu á því hversu oft þessi réttur hefur verið útbúinn fyrir veislur, saumaklúbba eða kósíkvöld. Það dásamlega við hann er nefnilega að aðeins þarf að setja ost, sósu og hnetur á disk og skella í ofninn og út kemur dásamlegur heitur ostur.
1 stk. Dalahringur
1 krukka Mango Chutney-sósa
Kasjúhnetur að vild (mæli með að hafa meira en minna)
Setjið ostinn í eldfast mót, sósu og hnetur yfir og inn í 180°C heitan ofn í um 15–20 mínútur eða þar til hneturnar brúnast. Njótið með nýbökuðu brauði eða því kexi sem ykkur þykir gott.
