David og Victoria Beckham, hin heimsfrægu athafnarhjón hafa dvalið ásamt börnum sínum á Íslandi undanfarna daga. Þau eru gestir auðjöfursins Björgólfs Thors Björgólfssonar. Líkt og greint var frá í DV á fimmtudaginn ætluðu hjónin að bregða sér í laxveiði. Þá hélt fjölskyldan upp á fimm ára afmæli Harper, sem er dóttir þeirra hjóna. Beckham skrifar á Instagram:

„Til hamingju með afmælið myndarlega stelpan mín. Á þessum fimm árum hefur Harper fært fjölskyldunni mikla ást og hamingju. Hún er einstök stúlka á margan hátt. Við erum einstaklega heppin að fá að eyða hverjum degi með svo fallegri sál. Við dýrkum þig litla stelpan mín. Til hamingju með daginn. Pabbi.“

Beckham skellti sér svo í laxveiði í gær: Fáum sögum fer af áhuga Beckham-hjónanna á veiði og virðist hann vera nýr af nálinni. Fyrir ári greindu erlendir fjölmiðlar þó frá því að uppi hafi orðið fótur og fit í smábænum Weymouth í Englandi þegar David fór í sjóstangaveiði með elsta syni sínum, Brooklyn.

Segja má að knattspyrnukappinn fyrrverandi sé að færa sig upp um deild með því að takast á við villta íslenska laxa í stað breskra golþorska. Beckham virðist þó hafa gengið vel í veiðinni ef marka má myndir sem hann birti á Instagram-reikningi sínum. Þar segir David Beckham

„Nýr dagur og annar lax,“ og segir undir annarri mynd: „Góðir endir á frábærum degi.“