Nú er hægt að kaupa „kynþokkafullan“ Jon Snow búning. Búningurinn kemur í sölu á fullkomnum tíma en lokaþáttur sjöundu seríu Game of Thrones er sýndur næsta sunnudagskvöld, 27. ágúst. Það er þó ekki hægt að kaupa sér búninginn áður en lokaþátturinn er sýndur en hann er eflaust hugsaður fyrir hrekkjavökuna sem er 31. október næstkomandi. Fyrirtækið á bak við búninginn er Yandy.com og hefur áður vakið athygli fyrir „Harry Potter“ nærfatnað. Búningurinn kallast „Sexy Northern Queen Costume“ eða „kynþokkafull Drottning norðursins.“
Búningurinn kostar tæpar 16 þúsund krónur og inniheldur meðal annars glæsilega skikkju með gervi loði. Eina sem þú þarft að bæta svo við eru netasokkabuxurnar og háu stígvélin. Eða gallabuxur og strigaskór. Þú ræður!
Þetta er ekki í fyrsta skipti sem Yandy gerir Game Of Thrones búning en „Sexy Mother of Dragons“ er einnig til sölu.
