Luke Shaw, vinstri bakvörður Manchester United er að ganga í gegnum erfiða tíma þessa dagana.

Hann var í byrjunarliði United í 2-0 sigri liðsins á Brighton í enska FA-bikarnum á dögunum en Mourinho ákvað að kippa honum af velli í hálfleik.

Mourinho gagnrýndi hann svo eftir leikinn en Ashley Young, bakvörður liðsins tóku stöðu hans í hálfleik og hann ráðleggur Shaw að leggja meira á sig á æfingasvæðinu.

„Hann er leikmaður sem vill standa sig vel þegar hann spilar,“ sagði Young.

„Ég vil sjálfur að honum gangi vel en þegar allt kemur til alls þá snýst þetta bara um hann sjálfan.“

„Hann þarf bara að setja hausinn niður og leggja meira á sig á æfingasvæðinu. Hann er frábær leikmaður.“

„Hann getur orðið sá besti í heiminum í sinni stöðu,“ sagði Young að lokum.