Sérfræðingar hafa verið duglegir að gagnrýna bæði Paul Pogba og Alexis Sanchez leikmenn Manchester United undanfarið.
Sanchez hefur ekki fundið taktinn eftir að hann kom til United og Pogba hefur ekki spilað vel síðustu vikur.
,,Það er eins og Pogba og Sanchez séu tveir krakkar á skólalóðinni,“ sagði Jamie Carragher um þá félaga eftir 2-3 sigur á Crystal Palace í gær
,,Það er eins og þeir hugsi ´Við erum bestu leikmenn liðsins og gerum bara það sem við viljum´.“
Sanchez byrjaði á vinstri kantinum í leiknum en færði sig inn á miðjuna þegar líða tók á leikinn. Pogba vill sjálfur vinna vinstra megin á miðjunni og því vinna þeir mikið á sama svæðinu.
Sanchez þénar 350 þúsund pund á viku meðan Pogba er með 290 þúsund pund á viku. Saman hafa þeir 640 þúsund pund á viku en spila ekkert sérstaklega vel þessa dagana. Hvað getur Jose Mourinho gert til að láta þá virka?
Þarf Sanchez að spila fyrir aftan framherjann svo að Pogba geti nýtt sér svæðið á vinstri vængnum?
