Ástand gangstétta í Reykjavík óásættanlegt
Sjónvarpsstjarnan Gísli Marteinn Baldursson sendi sínum gömlu kollegum hjá Reykjavíkurborg tóninn á Twitter á fimmtudag. Gísla var réttilega gramt í geði yfir ástandi gangstétta í borginni, sem enn eru víða ósópaðar og þaktar sandi eftir veturinn.
„Eruð þið alveg hætt að sópa gangstéttir? Það er ansi langt síðan snjóa leysti og gangstéttir enn ósópaðar,“ skrifar Gísli og merkir Reykjavíkurborg í færslunni til að tryggja að skilaboðin komist til skila. Upp með sópinn, Dagur!
