

Bandaríska sjónvarpsstöðin FOX Sports hefur kynnt glæsilegt teymi sérfræðinga og þáttastjórnenda fyrir Heimsmeistaramótið sem fram fer í Norður-Ameríku í sumar.
FOX fer með útsendingarréttinn að mótinu og hefur fengið nokkur af stærstu nöfnum knattspyrnuheimsins til liðs við sig fyrir umfjöllunina.
Fremstir í flokki eru fyrrum Barcelona-leikmennirnir Thierry Henry, Zlatan Ibrahimovic og Thiago Alcántara, sem munu sjá um greiningar og umræður í kringum leikina.
Peter Schmeichel, markvarðargoðsögn Manchester United, verður einnig meðal sérfræðinga ásamt Javier Hernandez, fyrrverandi framherja United og mexíkóska landsliðsins.
Clarence Seedorf, einn sigursælasti miðjumaður síðari ára, er einnig hluti af teyminu eftir að hafa vakið athygli fyrir framgöngu sína í Meistaradeildarumfjöllun Amazon Prime.
John Obi Mikel, fyrrverandi leikmaður Chelsea og nígeríska landsliðsins, verður sömuleiðis á skjánum ásamt bandarísku knattspyrnugoðsögnunum Clint Dempsey, Landon Donovan, Carli Lloyd og Alexi Lalas.
Juan Pablo Ángel, fyrrum framherji Aston Villa og kólumbíska landsliðsins, mun einnig leggja sitt af mörkum.
Rob Stone og Rebecca Lowe verða aðalþáttastjórnendur en Jules Breach og Pien Meulensteen munu einnig stýra þáttum á meðan Heimsmeistaramótið stendur yfir.
Sérfræðingar Fox:
Alexi Lalas
Thierry Henry
Zlatan Ibrahimovic
Carli Lloyd
Clarence Seedorf
Landon Donovan
Clint Dempsey
Javier Hernandez
Peter Schmeichel
Juan Pablo Angel
John Obi Mikel
Thiago Alcantara