Myndir og umræða um mat sem er seldur á íþróttaleikvöngum verða sífellt vinsælli á samfélagsmiðlum. Matur sem var til sölu hjá D-deildarliðinu Bromley í ensku knattspyrnunni á dögunum skorar ekki hátt meðal netverja.

Sports Scran, vinsæll aðgangur á miðlinum X þegar kemur að þessum efnum, birti mynd af pylsu sem Bromley var með til sölu. Þar má greinilega sjá að mygla er á pylsunni og brauðinu sem henni fylgir.

„Þið getið hætt að spyrja hver versti matur á íþróttaleikvangi sem ég hef séð er,“ stóð í færslu Sports Scran. „Þetta er ekki gervigreindarmynd,“ var skrifað á aðganginn í athugasemdakerfinu.

Viðbrögð netverja standa ekki á sér, en mynd af pylsunni er hér að neðan.

Hotdog at Bromley FC…. people can stop asking what’s the worst scran I’ve seen

💷 £6 ⚽️ pic.twitter.com/Pcv82Qlgbd

— Sports Scran (@SportScran) May 10, 2026