Kvenlögregluþjónn á Tenerife bjargaði veitingahússeiganda sem var með hníftunguáverka á hálsi, inni á veitingastaðnum. Atvikið átti sér stað í morgun (föstudag) en viðbragðsaðilar voru kallaðir til eftir símtal áhyggjulls aðila sem þekkir til mannsins.
Maðurinn hafði misst töluvert blóð er viðbragðsaðilar komu á vettvang en umræddri lögreglukonu tókst að stöðva blæðinguna. Sjúkralið tók síðan við og var manninum komið á sjúkrahús í Santa Cruz, höfuðborg Tenerife.
Lögreglukonan er sögð hafa bjargað tveimur öðrum mannslífum á starfsferli sínum.
Samkvæmt heimildum Canarian Weekly veitti maðurinn sér áverkana sjálfur. Hann er nú úr lífshættu, þökk sé lögreglukonunni og sjúkraflutningafólki.
Ef einstaklingar glíma við sjálfsvígshugsanir er bent á Hjálparsíma Rauða krossins 1717 og netspjall Rauða krossins 1717.is. Opið allan sólarhringinn. Einnig má hafa samband við Píeta-samtökin sem veita ókeypis ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl.8-22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum.
