Harry Redknapp rifjaði upp eftirminnilegt atvik þar sem frændi hans, Frank Lampard, og sonur hans, Jamie Redknapp, lentu í hörðum árekstri á vellinum.
Atvikið átti sér stað þegar Harry stýrði West Ham United í leik gegn Liverpool. Þá var Lampard ungur leikmaður hjá West Ham en Jamie spilaði fyrir Liverpool.
Harry sagði frá þessu í þættinum I’m A Celebrity… South Africa. „Eftir um 20 mínútur tæklaði Jamie Frank illa og hann þurfti að fara af velli,“ sagði Redknapp.
Hann bætti við að markvarðaþjálfarinn Les Sealey hafi hvatt Lampard til að hefna sín. „Hann sagði´Farðu aftur inn og láttu hann finna fyrir því.’ Ég hugsaði með mér: þetta er sonur minn sem hann er að tala um!“
Síðar fékk Lampard þó tækifæri til að svara fyrir sig. „Þeir mættust aftur þegar Frank var kominn til Chelsea og þá fékk Jamie olnboga og þurfti 24 spor,“ sagði Redknapp.
