Barcelona undirbýr stórar breytingar á leikmannahópi sínum í sumar þrátt fyrir að vera á góðri leið með að vinna spænsku deildina.

Samkvæmt spænskum miðlum hyggst félagið losa sig við allt að fimm leikmenn sem taldir eru hafa lokið sínum kafla hjá liðinu. Þar á meðal er Marcus Rashford, sem er á láni frá Manchester United. Þrátt fyrir góða tölfræði á tímabilinu virðist Barcelona ekki ætla að nýta kaupréttinn á honum.

Einnig er óvissa um framtíð Robert Lewandowski, sem er að renna út á samningi og hefur glímt við meiðsli. Þá gæti Frenkie de Jong verið seldur til að létta launakostnað félagsins.

Að auki eru Andreas Christensen og Marc Casado sagðir á förum, sá síðarnefndi vegna skorts á spilatíma.

Stjórinn Hansi Flick er því að móta nýtt lið þrátt fyrir góðan árangur í deildinni.