Flestir nota bara salt þegar það þarf að gefa steikinni smá aukabragð eða út á eggið. En vissir þú að þetta hvíta gull getur bjargað heilsu þinni og nætursvefninum? Þetta hljómar kannski eins og eitthvað sem langömmu hefði dottið í hug að segja en þetta virkar og kostar sáralítið.

Við þekkjum örugglega öll tilfinninguna um svefnherbergi þar sem loftið virðist vera þungt og lyktar af innilokun. En þetta er ekki bara lélegt loft, það er oft raki sem leynist í hornum og þar sem er raki, þar er myglusveppur sem er svo sannarlega ekki velkominn gestur því hann getur valdið ofnæmi og þreytu sem er ekki hægt að sigrast á, sama hvað maður drekkur mikið kaffi.

En í staðinn fyrir að fjárfesta í rándýrum og háværum tækjum til að losa þig við rakann á heimilinu, þá er nóg að fara bara í eldhússkápinn og sækja salt. Það býr nefnilega yfir leyndum ofurkrafti. Það dregur raka ótrúlega vel í sig, eins og svampur.

Settu eitt kíló af grófu salti í skál og settu hana undir rúmið eða út í horn í svefnherberginu.

Eftir nokkra daga, sérðu töfrana gerast. Ef saltið byrjar að líta út fyrir að vera dökkt, klístrað eða bara blautt, þá er það af því að það er að sinna starfi sínu með því að draga rakann úr loftinu í sig. Þegar það er orðið mettað, þá hendir þú því bara og setur nýtt í skálina.

Þetta er einfaldasta aðferðin til að kanna hvort svefnherbergið er rakagildra sem eyðileggur loftið á heimilinu.