Aðdáendur Heated Rivalry þáttanna fá nú tækifæri til að upplifa og stíga í spor Shane Hollander og Ilya Rozanov að hluta því bústaður þess fyrrnefnda er kominn í leigu á Airbnb.
Bústaðurinn, sem er ein aðalsviðsmynd lokaþáttarins, heitir Barlochan Cottage og er staðsettur við bakka Muskoka-vatns í Kanada. Hann er nú fáanlegur til leigu fyrir ferðamenn frá öllum heimshornum fyrir 248,10 kanadíska dollara á nóttu (um 22 þúsund krónur) sem er óður til treyjunúmera Hollander og Rozanóv í þáttunum: 24 fyrir Shane og 18 fyrir Ilya. í lýsingu segir á háfleygan hátt:
„Sérhver frábær saga á skilið fullkomna umgjörð. Airbnb býður gestum í Barlochan Cottage, sem hefur heillað á skjánum í vetur, sem gerir aðdáendum kleift að bóka og upplifa einkaskjólið á eigin skinni við bakka Muskoka-vatns. Með rætur í kanadískum sumarbústaðalífstíl var þetta hlýlega, nútímalega heimili byggt með friðhelgi sem hornstein, þar sem byggingarlistarleg smáatriði flæða í sátt við náttúrulegt umhverfi til að skapa öruggt rými til að aftengjast og verða eitt með náttúrunni.Sumir gestir geta bókað sumarbústaðinn í fyrsta skipti eingöngu á Airbnb og geta bókað hann fyrir helgardvöl í sumar, boð um að slíta sig frá hávaðanum og raunveruleikanum í bústað sem er hannaður til að hægja á sér og tengjast aftur.“
Eignin hefur vakið mikla athygli eftir að í ljós kom að friðsæll sumarbústaður Shane í Heated Rivalry var raunveruleg eign ekki bara sviðsmynd, þó í þáttunum sé bústaðurinn sagður vera í Montreal.
Gagnrýnendur hafa lofað þættina sem hafa slegið í gegn meðal áhorfenda. Þættirnir byggja á tveimur bókum Rachel Reid og voru frumsýndir á Netflix 28. nóvember.
Bústaðurinn er stærri en margir sjá fyrir sér með þremur svefnherbergjum. Reid hefur áður sagt að hugtakið bústaður eða cottage þýði eitthvað allt annað í Kanada en í Bandaríkjunum.
„Með sumarhúsi meinum við lítið höfðingjasetur,“ sagði Reid í gríni í þættinum Late Night Scrolling. „Margir Bandaríkjamenn, þar á meðal ritstjórinn minn, voru mjög ruglaðir yfir hugtakinu sumarhús þegar ég skrifaði bókina. Ef þú slakar á í öðru húsi en heimili þínu, þá er það sumarhús. … Það er bara mjög kanadískt.“
Þegar kom að því að finna hið fullkomna sumarhús/höfðingjasetur fyrir þættina var Barlochan Cottage, sem hannað er af arkitektinum Trevor McIvor, ótvíræður sigurvegari.
Bústaðurinn er með rúmgóðu skipulagi sem er undirstrikað með háu lofti, náttúrulegum viðartónum og stórum gluggum frá gólfi til lofts sem eru einkennandi fyrir glæsileika. Inni eru mjúkir sófar og notalegur arinn til að kúra við. Eignin var byggð fyrir viðskiptavin McIvor, sem segir á vefsíðu sinni að eigendurnir hafi verið að leita að „fjögurra árstíða sumarhúsi sem fellur vel að landslagi Muskoka í kring.“ Vefsíðan tekur fram að eignin hafi verið byggð með forsmíðuðum byggingum úr Douglas-greni – en aðrir þættir, eins og granít-arinninn, voru smíðaðir úr efniviði sem fengist hefur á staðnum. Gluggaveggir hjálpa til við að færa landslagið inn, sama hvernig veðrið er, með myndum sem fanga hina fullkomnu vetrarhelgi í snæviþöktu landslagi.
Eins og áður sagði gegnir bústaðurinn veigamiklu hlutverki í lokaþættinum, en endirinn er frábrugðið bók Reid. Ekki skal greint frá honum hér, heldur þeim sem eiga eftir að horfa bent á þættina, en þegar hefur verið ákveðið að gera þáttaröð tvö og verður hún sex þættir líkt og sú fyrsta.. Sjöunda bókin kemur út árið 2027 þannig að líklegt er að þáttaraðirnar verði fleiri. Storrie og Williams hafa staðfest að þeir leiki í annarri þáttaröðinni, sem byggir á bókinni The Long Game sem gerist nokkrum árum eftir atburði fyrri bókarinnar:
„10 ár. Það er tíminn sem Shane Hollander og Ilya Rozanov hafa verið saman. Tíminn sem þeir hafa haldið sambandi sínu leyndu. Frá vinum, frá fjölskyldu … frá deildinni. Ef Shane vill vera á toppnum, þá verður það sem hann og Ilya deila að vera leyndarmál. Hann elskar Ilya, en hvað ef það að koma út opinberlega eyðileggur allt? Ilya er orðinn leiður á leyndarmálum. Shane er orðinn svo góður í að fela tilfinningar sínar að stundum spyr Ilya hvort þær séu jafnvel til. Nálægðin, nándin, jafnvel áhættan sem fylgir því að vera opinn um samband sitt … Ilya vill allt. Það er kominn tími til að þeir ákveði hvað er mikilvægast: íshokkí eða ást. Það er kominn tími til að taka ákvörðun.“
