Halldór Árnason, fyrrum þjálfari Breiðabliks, var gestur Helga Fannars Sigurðssonar í nýjasta þætti af Íþróttavikunni á 433.is.

Það var farið yfir málefni Liverpool í þættinum, en það virðist eitthvað mikið vera að hjá Englandsmeisturunum. Það er þó meira en að segja það að setja fingur á það.

„Ef ég vissi svarið væri ég sennilega með leik á morgun,“ sagði Halldór léttur.

„Það er verið að kalla eftir því að fá Klopp aftur en þegar Liverpool varð meistari síðast gerist nákvæmlega það sama í upphafi tímabilsins á eftir. Þeir töpuðu til dæmis 7-2 á móti Aston Villa. Síðasta titilvörn var eiginlega nákvæmlega eins til að byrja með svo menn eru helvíti fljótir að gleyma.

Kannski er munurinn að Klopp trúði svo mikið á sitt að hann hélt í það og kom þeim á beinu brautina aftur. Slot er að breyta svo miklu og gerði það auðvitað í fyrra líka. Þeir eru passívir og hann hefur breytt miklu í pressunni. Það voru alveg vísbendingar í fyrra um að hann gæti verið að fara inn í transition tímabil.“

Umræðan í heild er í spilaranum.