Hörður Snævar Jónsson ræddi málefni Manchester United í nýjasta þætti af Íþróttavikunni á 433.is. Hann var staddur á Old Trafford á mánudag er liðið tapaði 0-1 fyrir Everton þrátt fyrir að vera manni fleiri nær allan leikinn.

„Allan leikinn var eitthvað off í frammistöðu liðsins. Það voru leikmenn sem voru í tómu bulli. Manni fannst enginn líklegur til að gera eitthvað nema kannski Mason Mount þegar hann kom inn á. Aðrir voru bara í tómu djöfulsins bulli,“ sagði Hörður.

„Það var fín stemning en hún súrnaði þegar það var svona hálftími eftir. Menn voru farnir að baula á leikmenn og láta þá heyra það. Ég sat þarna við hægri kantinn og Diallo fékk alveg að heyra það þar sem hann var alltaf að reyna að gera eitthvað en gerði andskotann ekki neitt.“

Umræðan í heild er í spilaranum.