Levante hefur hafnað tilboði frá Rússlandi í framherjann eftirsótta Etta Eyong. Spænska blaðið Marca segir frá.
Þessi 21 árs gamli Kamerúni hefur verið í flottu formi á tímabilinu og vakið athygli stórliða á borð við Barcelona, Real Madrid, Manchester City, Manchester United og Arsenal ef marka má fréttir.
Rússneska stórliðið CSKA Moskva ætlaði hins vegar að reyna að lokka Eyong til sín með gylliboði en það dugði ekki til.
Talið er að CSKA hafi boðið Levante rúmar 26 milljónir punda fyrir að fá Eyong í janúarglugganum. Þá stóð leikmanninum alvöru launapakki til boða. Hann hafði þó ekki áhuga.
