Eins og DV greindi frá í gær þá komu endurminningar Virginiu Giuffre út á þriðjudag, en hún var þolandi níðingsins Jeffrey Epstein og einnig konan sem tengdi Andrés Bretaprins við Epstein.
Giuffrey hafði unnið að æviminningum sínum en hún lést áður en til útgáfu kom. Það var Amy Wallace sem tók að sér að klára bókina sem kom út í Bretlandi á þriðjudaginn. Wallace hefur skorað á prinsinn að deila öllu því sem hann veit um Epstein og brot hans. Prinsinn geti gert slíkt án þess að gangast sjálfur við sök.
Í annarri bók sem kom út í ágúst, Entitled: The Rise and Fall of the House of York, kemur fram að Andrés, sem er kynferðislega gagntekinn af honum, hafi beðið starfsfólk sitt og vini um að redda konum fyrir sig og hafði hann dálæti á ballerínum og ljóshærðum konum. Er hann sagður hafa hvatt alla í kringum sig til að finna konur sem hann gæti farið á stefnumót við, sem varð til þess að hann svaf hjá konum „sem hann vissi ekki að væru vændiskonur“, fullyrðir rithöfundurinn Andrew Lownie.
Lífverðir Andrésar, sem breskir skattgreiðendur greiddu fyrir, voru viðriðnir málið.
„Hann sá sem dæmi aðlaðandi ballerínu í Konunglega ballettinum og sendi síðan fulltrúa sinn til að bjóða henni að hitta prinsinn. Hann sendi aðstoðarmenn til að bjóða stúlkum að borði sínu á næturklúbbnum Chinawhite í London eða til að koma á hótelsvítuna hans þegar hann var erlendis,“ sagði Lownie.
Höfundurinn benti einnig á að starfsfólk Andrésar hafi oft óskað eftir að aðlaðandi konum yrði boðið á viðburði og einkaritari hans sagði: „Hann hefur gaman af ljóshærðum konum“ – og einn ræðismaður hafi svarað þessari beiðni með orðunum: „Ég er diplómati, ekki hórkarl.““
Andrés, sem er 65 ára, sagði af sér sem sérstakur viðskiptasendiherra Bretlands árið 2011 eftir gagnrýni á tengsl hans við barnaníðinginn Epstein.
„Það var orðrómur um að Andrew hefði haft konur með sér og að honum hefði frekar líkað að gista á hótelum en í konungsbústaðnum þar sem það gaf honum meira næði fyrir hvern hann hitti, hvort sem það voru konur eða viðskiptamenn.“
Andrés nýtti sér einnig konungleg tengsl sín, þar á meðal að vera verndari Enska þjóðarballettsins, og einn starfsmaður þar hélt því fram að Andrew hefði verið „þvingaður upp á“ þá eftir andlát Díönu prinsessu árið 1997.
„Hann hafði aðallega áhuga á dönsurunum frekar en ballettinum sjálfum,“ skrifaði Lownie. „Þegar hann mætti krafðist hann þess að velja hverjir myndu sitja með honum í konunglegu stúkunni.“
„Grunur lék á að um væri að ræða hjákonur og ýmsa kaupsýslumenn. Formaður balletsins fékk að koma inn í hléinu til að fá sér drykk,“ er haft eftir einum starfsmanni.
Virginia Guiffre, sem framdi sjálfsmorð í apríl 41 árs að aldri, hélt því fram að hún hefði verið neydd til að sofa hjá Andrési þrisvar sinnum, og kemur sú frásögn einnig fram í endurminningum hennar sem voru gefnar út í þessari viku.
Andrés, sem greiddi Guiffre milljónir í dómssátt einkamáli í Bandaríkjunum árið 2022, heldur áfram að neita þessari ásökun.
Fáeinum dögum fyrir útgáfu bókarinnar tilkynnti Andrés að hann væri að afsala sér titlum sínum, þar á meðal hertoginn af York, þar sem „áframhaldandi ásakanir um mig trufla störf hans hátignar og konungsfjölskyldunnar.“
Andrés var einnig nefndur í frétt þar sem fullyrt var að Epstein vildi kynna hann fyrir konu, sem nú starfar sem jógakennari í New York borg. Konan var „ekki aðeins misnotuð af Epstein, heldur beitt mansali af hans hálfu í mörg ár,“ sagði lögmaður hennar við Daily Mail.
Fyrrverandi alríkissaksóknarinn Neama Rahmani greindi frá því að Andrés myndi líklega ekki stíga fæti á bandaríska grundu aftur af ótta við að vera handtekinn eða yfirheyrður um Epstein. „Ég held ekki að hann muni koma af mikilli varúð … Það væri gáleysi,“ sagði hann.
Stephen Lynch, háttsettur þingmaður í eftirlitsnefnd fulltrúadeildar Bandaríkjaþings og demókrati, hefur þegar sagt að hann vilji ræða við Andrés „varðandi þátttöku hans“ í máli Epstein.
Maxwell, aðstoðarkona Epsteins, afplánar 20 ára fangelsisdóm fyrir þátttöku sína í kynferðisbrotamálum Epstein.
Ekki hefur borist tilkynning frá Buckinghamhöll um málið, en í yfirlýsingu í síðustu viku ítrekaði Andrés: „Eins og ég hef sagt áður, neita ég staðfastlega ásökununum gegn mér.“
