Thomas Partey fyrrum miðjumaður Arsenal mætti í réttarsal í dag til að svara til saka um þær sex ákærur sem lagðar hafa verið fram gegn honum.

Partey hafnar sökum í öllum málum en hann er sakaður um fimm nauðganir og ein ákæra snýst um kynferðislega áreitni.

Partey er 32 ára gamall en hann fór frá Arsenal í sumar, fjórum dögum eftir að hann yfirgaf Arsenal var hann ákærður.

Honum var sleppt lausum gegn tryggingu og samdi við Villarreal á Spáni, hann mætti fyrir dómara í London í morgun. Hann hafði í gær spilað gegn Tottenham í Meistaradeildinni.

Partey staðfesti nafn sitt við komuna og hafnaði svo allri sök í málunum. Dómari lét svo vita að réttarhöldin færu fram 2 nóvember á næsta ári.

„Vegna þess að þú ert laus gegn tryggingu og margir í fangelsi sitja og bíða eftir dómi þá eru þau í forgangi,“ sagði dómarinn.