Í dag kynna Hr. Eydís eina af ástsælustu ballöðum ’80s tímabilsins, Alone með Heart.
Lagið var samið af Billy Steinberg og Tom Kelly og kom fyrst út með dúóinu i-Ten árið 1983 en Alone vakti þó ekki mikla athygli fyrr en Heart tók það upp fjórum árum síðar. Alone fór beint á topp Billboard-listans árið 1987 og hefur síðan þá orðið eitt af stærstu lögum tímabilsins með sinni eftirminnilegu uppbyggingu, tilfinningaþrungnu laglínu og klassískri ’80s dramatík.
„Við höfum áður flutt og tekið upp þetta lag, en nú er komið að því að leyfa ykkur að heyra það LIVE beint úr Háskólabíói, þar sem við fengum að flytja það fyrir troðfullum sal. Það er alltaf eitthvað sérstakt við svona augnablik þegar öll orkan, bæði í laginu og í salnum, smitast út í hvert einasta andartak.“
„Það eru ákveðin lög sem halda alltaf velli og Alone er eitt þeirra. Þetta er lag sem byggir sig hægt upp og leyfir röddinni að gera sitt. Það var alveg magnað að fá að flytja það í Háskólabíói,“ segir Erna Hrönn söngkona.
