fbpx
Fimmtudagur 10.júlí 2025
Pressan

Hringdi á neyðarlínuna eftir að 6 ára systir hennar fann lík foreldra þeirra – Rannsókn leiddi í ljós fjölskylduharmleik

Pressan
Miðvikudaginn 9. júlí 2025 22:00

Heimili fjölskyldunnar

Ekki missa af Helstu tíðindum dagsins í pósthólfið þitt

Lesa nánar

Hin 17 ára gamla Sarah Grace Patrick hringdi í neyðarlínuna í febrúar til að tilkynna um andlát móður sinnar og stjúpföður, eftir að sex ára gömul systir hennar fann líkin.

Þriðjudaginn 8. júlí urðu síðan vendingar í málinu þegar lögregluembætti Carroll-sýslu á tilkynnti á blaðamannafundi að Patrick hefði sjálfviljug gefið sig fram í tengslum við morðin á móður sinni, Kristin Brock, 41 árs, og stjúpföður, James Brock, 45 ára, þann 20. febrúar 2025.

James og Kristin Brock

Í fréttatilkynningu sem birt var á Facebook kom fram að fórnarlömbin hefðu látist af völdum skotsára.  Lík parsins fundust í svefnherbergi þeirra við Tyus Road, samkvæmt fréttum.

Patrick hefur verið ákærð fyrir tvö morð og tvær alvarlegar líkamsárásir. Í fréttatilkynningunni var minnst á að fjöldi efnislegra og stafrænna sönnunargagna og margar yfirheyrslur hefðu leitt til ákærunnar.

„Strax eftir að neyðarsímtalið barst hófst stöðug rannsókn, sem tók marga mánuði, þúsundir klukkustunda og krafðist samstarfs lögreglu á staðnum og alríkisstigi,“ sagði í fréttatilkynningunni.

Sarah Grace Patrick

Ashley Hulsey, talskona lögregluembættis Carroll-sýslu, fjallaði um málið á blaðamannafundi. Sagði hún að Patrick yrði ákærð sem fullorðinn einstaklingur, og tók fram að yfirvöld væru enn að komast að því hvaða ástæða lægi að baki verknaðinum.

„Við vitum ekki hvað fer í gegnum hug barns sem vill meiða foreldra sína,“ sagði Hulsey við fjölmiðla.

Bendir hún á mögulega séu fleiri viðriðnir málið og í fréttatilkynningunni kemur fram að möguleiki sé á að fleiri verði handteknir vegna málsins. Hulsey svarar aðspurð að erfitt sé að segja til um hvort aðrir fjölskyldumeðlimir hafi komið að glæpnum eða reynt að hylma yfir hann. Hún bætti þó við að fjölskyldumeðlimir hefðu verið samvinnuþýðir meðan á rannsókninni stóð.

Faðir Patricks var með henni þegar hún gaf sig fram til lögreglunnar. Patrick er nú í haldi lögreglu gegn tryggingu.

Hulsey segir sex ára systur hennar vera aðalfórnarlamb þessa harmleiks. „Það sem situr eftir er að móðir og stjúpfaðir munu aldrei fá tækifæri til að ala upp börnin sín.“

„Bænir okkar eru hjá fjölskyldum James og Kristin Brock, og sérstaklega hjá ungu dóttur þeirra sem var heima á meðan þessi hræðilegi verknaður átti sér stað,“ bætti tilkynning frá lögregluembættinu við. „Við viljum einnig koma á framfæri innilegum þökkum til samfélagsins sem barðist fyrir réttlæti og gaf aldrei upp vonina.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Með þessu algenga kryddi getur þú haldið mýflugum fjarri alla nóttina

Með þessu algenga kryddi getur þú haldið mýflugum fjarri alla nóttina
Pressan
Fyrir 4 dögum

Rannsókn sýnir samhengi á milli kaffidrykkju og öldrunar

Rannsókn sýnir samhengi á milli kaffidrykkju og öldrunar
Pressan
Fyrir 5 dögum

Svona heldur þú köngulóm frá heimilinu að sögn sérfræðings

Svona heldur þú köngulóm frá heimilinu að sögn sérfræðings
Pressan
Fyrir 5 dögum

Pólskipti segulpólanna gætu hafa gert út af við Neanderdalsmenn

Pólskipti segulpólanna gætu hafa gert út af við Neanderdalsmenn
Pressan
Fyrir 6 dögum

Ævilangt fangelsi fyrir að myrða skólapilt með sveðju

Ævilangt fangelsi fyrir að myrða skólapilt með sveðju
Pressan
Fyrir 6 dögum

Pokémonspilum að verðmæti 400.000 stolið

Pokémonspilum að verðmæti 400.000 stolið