Ferill Virgil van Dijk hefði svo sannarlega getað farið öðruvísi ef hann hefði skrifað undir hjá West Bromwich Albion á sínum tíma.

Van Dijk er í dag einn besti hafsent heims og spilar með Liverpool en hann kom fyrst til Englands til Southampton frá Celtic.

Tony Pulis, fyrrum stjóri West Brom, segist hafa verið nálægt því að semja við Van Dijk á sínum tíma en það var árið 2015.

,,Hversu nálægt vorum við Van Dijk? Mjög. Við spurðumst fyrir um hann en við vorum með mjög góða hafsenta á þessum tíma,“ sagði Pulis.

,,Jonas Olsson, Gareth McAuley var frábær, Jonny Evans og Craig Dawson. Við höfðum þó mikinn áhuga á Virgil.“

West Brom er í dag í næst efstu deild Englands og er Van Dijk væntanlega ánægður með að hafa valið Southampton á þessum tíma.