Stórlið í ensku úrvalsdeildinni munu vonast eftir því að Borussia Dortmund komist ekki í Meistaradeildina né Evrópudeildina á þessu tímabili.

Athletic fjallar um málið en Dortmund er eins og staðan er í fimmta sæti í Þýskalandi með 51 stig líkt og þrjú önnur félög.

Það er möguleiki á að Dortmund missi af Evrópusæti þetta árið sem myndi hjálpa enskum liðum gríðarlega.

Ástæðan er vængmaðurinn Jamie Gittens sem er mjög eftirsóttur en verðmiði hans mun hækka eftir árangri félagsins.

Ef Dortmund kemst í Meistaradeildina þá er verður kaupákvæði Gittens 60 milljónir evra sem ákveðin félög gætu þó borgað.

Ef Dortmund mistekst að komast í Evrópukeppni þá verður verðmiðinn vel fyrir neðan 50 milljónir evra að sögn Athletic.

Gittens er orðaður við Arsenal og Chelsea en hann er tvítugur og hefur skorað 12 mörk í 46 leikjum á þessu tímabili.