Sjálfstæðisflokkurinn er vinsælastur á meðal leikmanna í Bestu deild kvenna, miðað við niðurstöðu leikmannakönnunnar sem kynnt var í dag.

Leikmenn voru spurðir út í hvað þær ætluðu sér að kjósa í komandi sveitastjórnarkosningum og 39 prósent munu setja x við D.

Samfylkingin var næststærst eða með 18 prósent.

Eins könnun var lögð fyrir leikmenn Bestu deildar karla á dögunum og þar var Sjálfstæðisflokkurinn einnig stærstur, eða með 43 prósent.

Þar var Miðflokkurinn hins vegar næststærstur með yfirburðum, eða með 33 prósent. Hann mælist aðeins með 8 prósent á meðal knattspyrnukvenna.

Eins og hjá körlunum var mikil andstaða við inngöngu í ESB hjá konunum, eða 65 prósent. Hún mældist 76 prósent hjá körlunum.