Mauricio Pochettino hefur staðfest það að hann verði ekki næsti stjóri Tottenham eftir að hafa yfirgefið félagið 2019.

Pochettino gerði flotta hluti með Spurs á tíma sínum þar en er í dag landsliðsþjálfari Bandaríkjanna.

Ange Postecoglou var rekinn frá Tottenham á dögunum og hefur Pochettino verið orðaður við endurkomu.

,,Síðan ég fór 2019 þá hef ég verið á öllum listum yfir þá þjálfara sem eru líklegastir að taka við!“ sagði Pochettino.

,,Ef þið hafið séð sögusagnirnar þá hef ég séð þær, það eru 100 stjórar á þessum listum og það er lítið áhyggjuefni.“

,,Það er ekki raunverulegt fyrir mig að taka við í dag. Sjáið hvar ég er og hvar við erum og ég tel að svarið sé mjög augljóst.“