Íslenska landsliðið vann frækinn 1-3 sigur á Skotlandi í æfingaleik í kvöld, er þetta fyrsti sigur liðsins þar í landi.
Andri Lucas Guðjohnsen kom liðinu yfir í fyrri hálfleik með frábæru marki en Skotarnir jöfnuðu.
Það var svo sjálfsmark skoska liðsins sem kom Íslandi yfir og þannig stóðu leikar í hálfleik. Það var svo Guðlaugur Victor Pálsson sem tryggði 1-3 sigur í síðari hálfleik með geggjuðu skallamarki.
Þetta er fyrsti sigur liðsins undir stjórn Arnars Gunnlaugssonar. Einkunnir að mati 433.is eru hér að neðan.
Elías Rafn Ólafsson – 8 – Maður leiksins
Varði virkilega vel og margar hreinlega stórkostlegar vörslur. Sá til þess að liðið vann leikinn og setur alvöru pressu á Arnar að spila næstu leiki en Hákon Rafn Valdimarsson hefur átt stöðuna undanfarið.
Guðlaugur Victor Pálsson (´60) – 8
Kröftug frammistaða í vörninni og glæsilegt mark til að toppa góðan leik.
Sverrir Ingi Ingason (´77) – 8
Hreint út sagt frábær í vörninni og sá til þess að liðið átti aldrei í vandræðum með að verjast leik Skota.
Hörður Björgvin Magnússon (´45) – 5
Frábært að sjá Hörð aftur sem var að byrja sinn fyrsta fótboltaleik í tæplega tvö ár. Gerði sig sekan um mistök í marki skoti en mikilvægar mínútur.
Mikael Egill Ellertsson – 7
Sem vinstri bakvörður gerði Mikael vel og klárlega kostur í þessa stöðu
Stefán Teitur Þórðarson (´72) – 7
Gerði vel á miðsvæðinu, stór og sterkur og gefur íslenska liðinu mikið.
Albert Guðmundsson – 8
Frábær í leiknum, gerði vel í að sækja boltann niður og bera upp spil íslenska liðsins.
Ísak Bergmann Jóhannesson (´72) – 7
Fékk að byrja landsleik í sinni stöðu sem hefur ekkert gerst alltof oft, gerði virkilega vel.
Hákon Arnar Haraldsson – 7
Flottur leikur hjá Hákoni sem var fyrirliði liðsins í leiknum.
Andri Lucas Guðjohnsen – 8
Geggjað mark til að koma liðinu á blað, gerði svo vel í því að pressa og halda í boltann fyrir liðið.
Jón Dagur Þorsteinsson (´72) – 7
Eftir erfitt tímabil með félagsliði minnti Jón Dagur á ágæti sitt í kvöld.
Varamenn:
Daníel Leó Grétarsson (´45) 7
Dagur Dan Þórhallsson (´60) 6
Mikael Neville (´72) – Spilaði of lítið til að fá einkunn
Arnór Ingvi Traustason (´72) – Spilaði of lítið til að fá einkunn
Willum Þór Willumsson (´72) – Spilaði of lítið til að fá einkunn
Aron Einar Gunnarsson (´77) – Spilaði of lítið til að fá einkunn
