Samkvæmt hlaðvarpinu Þungavigtin ákvað Brynjar Þór Gestsson að segja upp störfum sem þjálfari ÍH með skömmum fyrirvara.

Mikael Nikulásson sagði frá þessu í þætti þeirra í gær og sagði að Brynjar hefði sagt upp störfum rétt áður en liðið var á leið í ferðalag til Ólafsfjarðar.

Í máli Mikaels kom fram að nokkrir leikmenn hafi afboðað komu sína í leikinn og Brynjar hafi þar misst þolinmæðina.

Brynjar hefur ekki verið á skýrslu í síðustu leikjum liðsins og virðist ekki lengur vera við störf sem þjálfari liðsins.

Brynjar er reynslumikill þjálfari og hefur meðal annars stýri ÍR og Þrótti Vogum, hann er nú hættur að stýra ÍH í 3. deildinni.

ÍH er lið í Hafnarfirði sem hefur átt í góðu samstarfi við FH um langt skeið og leika margir fyrrum FH-ingar með liðinu.

ÍH situr á botni deildarinnar með 3 stig eftir sex umferðir.