Simone Inzaghi stjóri Al-Hilal í Sádí Arabíu hefur lagt áherslu á það að félagið kaupi Scott McTominay miðjumann Napoli.
Skoski landsliðsmaðurinn átti frábært fyrsta tímabil í Seriu A þar sem liðið varð meistari og hann var stjarna liðsins.
Inzaghi var stjóri Inter á liðnu tímabili og sá hversu öflugur McTominay var.
Hann vill fá orkumikla miðjumanninn til að spila með Ruben Neves og Sergej Milinkovic-Savic á miðsvæðinu.
Al-Hilal er eitt stærsta félagið í Sádí Arabíu og ljóst að McTominay myndi hækka verulega í launum við að fara þangað.
