Þrír leikir fóru fram í Bestu deild karla í gær og voru sjö mörk skoruð í þeim.
Vandræði Skagamanna halda áfram og töpuðu þeir 0-3 gegn Stjörnunni í gær. Þetta var síðasti leikur liðsins áður en Lárus Orri Sigurðsson tekur við sem þjálfari.
FH vann þá afar mikilvægan 2-0 sigur á Vestra, þar sem Sigurður Bjartur Hallsson skoraði glæsimark, og lyfti sér upp um fjögur sæti og í það sjöunda.
Loks vann Víkingur 0-2 sigur á KA fyrir norðan, þar sem Gylfi Þór Sigurðsson komst á blað.
Hér að neðan má sjá öll mörk gærdagsins, sem birtast á Vísi. 12. umferð Bestu deildarinnar klárast í kvöld með þremur leikjum, meðal annars stórleik Vals og KR.
FH 2-0 Vestri
KA 0-2 Víkingur
ÍA 0-3 Stjarnan
