Paul Pogba virðist vera að snúa aftur á fótboltavöllinn og skrifa undir hjá Monaco. Frá þessu greina helstu miðlar.

Hinn 32 ára gamli Pogba losnaði úr banni frá knattspyrnu í mars. Hann var upphaflega dæmdur í fjögurra ára bann eftir að hafa fallið á lyfjaprófi en var það stytt niður í 18 mánuði svo hann er laus.

Þessi fyrrum leikmaður Manchester United hefur verið orðaður hingað og þangað en nú virðist hann vera á leið til Monaco, sem vann sér inn sæti í Meistaradeild Evrópu eftir flott tímabil í frönsku deildinni.

Talið er að Pogba skrifi undir tveggja ára samning við Monaco. Hann birti færslu þar sem stendur: Tími til kominn. Ýtir það undir að frétta sé að vænta af framtíð miðjumannsins.