Kjaftasagan um að Liverpool horfi til Julian Alvarez framherja Atletico Madrid heldur áfram að skjóta upp kolli.

Rætt er um það í enskum blöðum að Liverpool gæti reynt að klófesta framherjann.

Segir að Atletico myndi skoða sölu á honum ef það fengi sama verð og það borgaði Manchester City fyrir ári síðan.

Framherjinn frá Argentínu fór þá til Atletico fyrir 65 milljónir punda og skoraði 29 mörk í öllum keppnum.

Atletico er að reyna að kaupa Andy Robertson frá Liverpool og þar gæti samtalið um Alvarez farið á fulla ferð.

Liverpool er að reyna að selja Darwin Nunez og það gæti opnað dyrnar fyrir það að Arne Slot vilji sækja framherja.