ÍBV 1 – 2 Afturelding:
1-0 Vicente Valor
1-1 Benjamin Stokke
1-2 Aron Jóhannsson
Afturelding vann góðan og mikilvægan sigur á ÍBV í slag nýliðanna í Bestu deild karla í kvöld.
ÍBV komst yfir í fyrri hálfleik með marki frá hinum öfluga Vicente Valor. Þannig stóðu leikar í hálfleik.
Gestirnir voru öflugri í seinni hálfleik og jöfnuðu á 53 mínútu með marki frá Benjamin Stokke.
Það var svo Aron Jóhannsson sem tryggði sigurinn tveimur mínútum síðar og þar við sat.
Afturelding að vinna sinn fyrsta leik á útivelli og er liðið komið í 17 stig en ÍBV er með 14 stig.
