Bryan Mbeumo sóknarmaður Brentford er áfram á óskalista Manchester United en liðið hefur átt í samtali við Brentford undanfarið.
Fabrizio Romano segir að samtalið sé enn í gangi en félögin hafa ekki náð saman um kaupverð.
Mbeumo sjálfur hefur samið við United um kaup og kjör en Tottenham hefur undanfarna daga sýnt honum áhuga.
Thomas Frank hætti sem stjóri Brentford fyrir helgi og tók við Tottenham, það gæti hjálpað félaginu að fá inn Mbeumo.
Mbeumo átti mjög gott tímabil með Brentford og er honum ætlað að styrkja sóknarleik United sem var slakur á liðnu tímabili.
