Víkingur og KR loka 11. umferð Bestu deildar karla með stórleik í kvöld.
Víkingur getur komist aftur á toppinn með sigri, en skemmtikraftarnir í KR geta lyft sér aftur upp í efri hlutann.
Athygli vekur að Víkingur hefur ekki tapað gegn KR í deild og bikar í 13 leikjum í röð, eða síðan haustið 2020, þegar KR vann 0-2 í Fossvoginum.
Þar áður hafði KR nokkuð góð tök á Víkingi og hafði unnið fjórum sinnum í röð fyrir þann leik, áður en mikil kaflaskil urðu hjá Víkingi og þeir fóru að berjast um stóru titlana á hverju ári.
Leikurinn í Víkinni hefst klukkan 19:15 í kvöld.
