Hinn kamerúski landsliðsmaður Nicolas Moumi Ngamaleu hefur lent í miklum vandræðum eftir að kærasta hans gómaði hann með annarri konu í Moskvu.
Ngamaleu, 31 ára, leikur með Dynamo Moskvu og hefur verið í langtímasambandi með rússnesku áhrifavaldinum Nikki Seey. Samkvæmt fjölmiðlum í Kamerún mætti Seey heim til þeirra á sunnudag eftir að hafa fengið ábendingu um að leikmaðurinn hefði boðið annarri konu heim.
Þegar hún reyndi að komast inn sagðist Ngamaleu vera með frænda“í heimsókn og neitaði henni um aðgang. Seey kallaði þá á lögreglu, sem braut sér leið inn í íbúðina.
Le Camerounais Nicolas Moumi Ngamaleu (Dynamo Moscou) se fait surprendre en flagrant délit d’infidélité par sa compagne, Nikki, créatrice de contenu russe
Alertée, elle s’est rendue chez lui avec une amie. La police a dû forcer la porte après le refus du joueur de les laisser… pic.twitter.com/9VvPo0qZWa
— 75 Secondes 🗞️ (@75secondes) November 10, 2025
Atvikið var tekið upp á myndband, þar sem Ngamaleu sést klæddur í stuttbuxur kamerúska landsliðsins á meðan konan reyndi að hylja andlit sitt.
Skilaboð á milli hans og viðhaldsins hafa svo lekið út.
Afríski íþróttafréttamaðurinn Micky Jnr greinir einnig frá því að Seey hafi pakkað saman og yfirgefið íbúðina. Yfirvöld rannsaka málið og hefur Ngamaleu verið beðinn um að fara úr húsinu.
Ngamaleu hefur leikið með Dynamo frá 2022 og skorað 14 mörk í 78 leikjum. Hann hefur einnig spilað 63 landsleiki fyrir Kamerún. Hann er í hópi Kamerún fyrir úrslitaleik um sæti á HM gegn DR Kongó 13. nóvember, en óljóst er hvort málið hafi áhrif á frammistöðu hans.
