Gian Piero Gasperini, stjóri Atalanta, segir að það hafi aldrei ætlað að móðga eigin leikmann eftir viðureign við Club Brugge í Meistaradeildinni í vikunni.

Gasperini vissulega baunaði á Ademola Lookman, leikmann Atalanta, eftir að vængmaðurinn klikkaði á vítaspyrnu í leiknum.

Gasperini talaði um Lookman sem eina af verstu vítaskyttum heims eftir leik – eitthvað sem leikmaðurinn tók persónulega og var mjög ósáttur með.

Þessi reynslumikli stjóri segir að hann hafi ekki ætlað að móðga Lookman með þessum ummælum og hefur enn bullandi trú á hans gæðum fyrir framan markið.

,,Þetta hafði gríðarleg áhrif, allt sem fylgdi þessum ummælum. Ég ætlaði ekki að móðga neinn,“ sagði Gasperini en Atalanta er úr leik eftir tvo leiki við Club Brugge sem er mjög óvænt.

,,Hann getur orðið góð vítaskytta og það myndi bæta hann sem markaskorara.. Ég segi alltaf mína skoðun fyrir framan allt liðið, það hefur aldrei haft áhrif á leikmennina.“

,,Hann fann fyrir árás af minni hálfu en það var ekki mín áætlun.“