Það er mikið talað um miðjumanninn Casemiro þessa dagana en hann spilar með Manchester United.
Casemiro hefur alls ekki heillað á þessu tímabili en hann er fyrrum goðsögn Real Madrid og hefur unnið fjölmarga titla á sínum ferli.
Brasilía hefur nú valið hóp sinn fyrir Copa America í sumar og ljóst er að Casemiro verður ekki hluti af liðinu á því stórmóti.
Undrabarnið Endrick fær pláss í sókninni en hann er aðeins 17 ára gamall og er einn efnilegasti leikmaður heims.
Þá má benda á að Richarlison, framherji Tottenham, fær heldur ekki sæti og mun sitja heima í sumar.