Sýn og Viaplay hafa gert með sér þriggja ára samstarfssamning.

Þetta kemur fram í tilkynningu frá Kauphöllinni.

Með samningnum fær Sýn til að mynda einkarétt á sölu á afþreyingar- og íþróttaveitu Viaplay á Íslandi.

Stöð 2 Sport fær þá sýningarrétt á leikjum íslenska karlalandslisins í fótbolta.

Stöð 2 Sport tekur einnig yfir framleiðslu á Meistaradeild Evrópu, Championship-deildinni, enska deildabikarnum, þýska boltanum og öðru sem hefur verið í umsjá Viaplay.

Tilkynningin í heild
Sýn og Viaplay hafa undirritað samstarfssamning til þriggja ára.

Helstu efnisatriði samningsins eru eftirfarandi:

• Sýn fær með samkomulaginu einkarétt á sölu á afþreyingar- og íþróttaveitu Viaplay á Íslandi í vöndli við aðrar vörur.
• Framleiðsla og umgjörð alls íþróttaefnis Viaplay fyrir íslenskan markað færist yfir til Stöðvar 2 Sport
• Stöð 2 Sport fær sýningarrétt á öllum leikjum íslenska karlalandsliðsins  í knattspyrnu

Það er mat Sýnar að samstarfssamningurinn muni hafa jákvæð langtímaáhrif á rekstur Sýnar og skapa grundvöll fyrir virðisaukningu með sölu á sjónvarpsefni með fjarskiptaþjónustu Vodafone. Jafnframt opnast með samstarfinu möguleikar á frekari hagræðingu í sjónvarpsrekstri.