Leiknir R. 1 – 4 ÍBV
0-1 Alex Freyr Hilmarsson (’29)
0-2 Atli Hrafn Andrason (’45)
1-2 Maciej Makuszewski (’46)
1-3 Halldór Jón Sigurður Þórðarson (’53)
1-4 Eiður Aron Sigurbjörnsson (’65, víti)

Lið ÍBV er komið úr fallsæti í Bestu deild karla eftir leik við Leikni Reykjavík sem fór fram í Breiðholtinu í dag.

ÍBV hafði aðeins unnið einn leik í sumar fyrir viðureignina og var það gegn Val í síðustu umferð.

Hermann Hreiðarsson og hans menn mættu þó grimmir til leiks í dag og unnu frábæran 4-1 útisigur.

Staðan var 2-0 fyrir ÍBV í leikhléi en Leiknismönnum tókst að laga metin snemma í þeim seinni.

Halldór Jón Sigurður Þórðarson og Eiður Aron Sigurbjörnsson bættu hins vegar við mörkum fyrir ÍBV sem vann að lokum 4-1.